Кыргыз Республикасынын Жогорку Кеңешинин 2025-жылдын 18-июнундагы токтому менен Кыргыз Республикасынын Сот адилеттиги иштери боюнча кеңешинин жаңы курамы бекитилди:

• Касымалиев Мукамбет Шадыканович – Кыргыз Республикасынын Конституциялык сотунун судьясы;

• Асанова Нургуль Молдобековна – Кыргыз Республикасынын Жогорку сотунун судьясы;

• Арстанбаева Дилара Эркиновна – Кыргыз Республикасынын Жогорку сотунун судьясы;

• Молдакунов Айбек Карыбекович – Кыргыз Республикасынын Жогорку сотунун судьясы;

• Барыктабасова Эльмира Бектургановна – Бишкек шаардык сотунун судьясы;

• Чотонов Санжар Бейшенкулович – Бишкек шаардык сотунун судьясы;

• Рыскулова Айжан Рыспековна – Бишкек шаарынын Ленин райондук сотунун судьясы;

• Кадырова Гулназ Кубанычбековна –  Ош облусунун Өзгөн райондук сотунун судьясы, Кыргыз Республикасынын Судьялар кеңеши тарабынан шайланган.

• Кыдыралиева Бакыт Амантуровна – Кыргыз Республикасынын Президенти тарабынан дайындалган.

• Түлөбаев Балбак Зарлыкович – Кыргыз Республикасынын Жогорку Кеңешинин депутаты, «Ынтымак» парламенттик фракциясы тарабынан шайланган;

• Каримов Акыйкат Бакказович – юридикалык коомчулуктан шайланган.

Кеңеш гендердик тең салмактуулукту сактоо менен (бир жыныстагылар 70%дан ашпаган) төмөнкү мүчөлөрдөн турат (КРнын «Сот адилеттиги иштери боюнча кеңеш жөнүндө» конституциялык мыйзамынын 8-беренесинин 8-бөлүгүнө ылайык):

• Кыргыз Республикасынын Судьялар кеңеши тарабынан шайланган 8 судья;

• Кыргыз Республикасынын Президенти тарабынан дайындалган 1 өкүл;

• Кыргыз Республикасынын Жогорку Кеңеши тарабынан шайланган 1 депутат;

• Элдик Курултай тарабынан шайланган 1 өкүл;

• Жогорку Кеңеш тарабынан шайланган юридикалык коомчулуктун 1 өкүлү.

Элдик Курултай Элдик Курултайдын Регламентинде каралган тартипте Кеңештин курамына бир өкүлдү шайлайт.

Юридикалык коомчулуктун өкүлдөрүнүн ичинен талапкерлер Кеңештин курамына талапкерлерди көрсөтүү жөнүндө жарыяланган күнгө карата бирикме катары иш жүзүндө 5 жылдан кем эмес иш алып барган юристтердин коомдук бирикмелеринин уставдык органдары тарабынан шайланат.

Юристтердин коомдук бирикмеси Кеңештин курамына 4 талапкерге чейин көрсөтүүгө укуктуу. Коомдук бирикменин уюштуруу документтерине ылайык жол- жоболоштурулган тиешелүү чечими коомдук бирикменин каттоо алгандыгы тууралуу күбөлүгүнүн көчүрмөсү менен бирге Жогорку Кеңешке жиберилет.