«Кыргыз Республикасынын Судьяларын тандоо боюнча кеңеш жөнүндө» Мыйзамдын 11-беренесине ылайык Кеңештин катчысынын иш милдети ыйгарым укуктуу органдын жооптуу кызматкерине,  Кыргыз Республикасынын Судьялар кеңешинин органдарынын жана сот тутумунун коллегиалдуу органдарынын ишин камсыз кылуу бөлүмүнүн башкы адисине жүктөлөт.

Кеңешти катчысы:

1) Кеңештеги иш кагаздарын алып барууну уюштурат;

2) Кеңештин жыйналышын даярдоону камсыз кылат;

3) Кеңештин жыйналышын өткөрүү күнү, убактысы жана орду жөнүндө Кеңештин мүчөлөрүнө, жалпыга маалымдоо каражаттарына кабарлайт;

4) Кеңештин кезектеги жыйналышынын күн тартибин Кеңештин мүчөлөрүнө жеткирүүнү камсыз кылат;

5) судьянын бош кызмат ордун ээлөөгө ниеттенген талапкерлер боюнча добуш берүүнү даярдоону жана өткөрүүнү камсыз кылат;

6) Кеңештин жыйналышынын протоколун жүргүзөт;

7) ишке тиешеси бар жактарга чечимдердин көчүрмөлөрүн жөнөтүүнү камсыз кылат;

8) Жогорку соттун, Конституциялык палатанын, жергиликтүү соттун судьяларынын бош кызмат орундарын ээлөөгө сынак өткөрүү жөнүндө кулактандырууну мамлекеттик басма сөз органына жана Кеңештин расмий сайтына жайгаштырат;

9) Кеңештин төрагасынын тескемеси боюнча Кеңештин компентенциясына таандык кылынган башка ыйгарым укуктарды жүзөгө ашырат.

Кыргыз Республикасынын Судьялар кеңешинин жана Сот адилеттиги иштери боюнча кеңешинин ишин камсыз кылуу бөлүмүнүн башчысы — Жылкычы уулу Талгат.

Кеңешти катчылыгынын байланыш телефону: 0(312) 31 75 88, 0(312) 31 30 22;